३३ किलो सुन काण्डमा फरार भोजे मामा पक्राउ

रेडियो दर्पण संवाददाता

काठमाडौँ, १७ साउन ।

३३ किलो सुन काण्डमा फरार रहेका भोजराज भण्डारीलाई प्रहरीले पक्राउ गरेको छ ।

महानगरीय प्रहर परिसर काठमाडौँका प्रवक्ता रमेश कुमार बस्नेतका अनुसार परिसरबाट खटिएको टोलीले झापाको गौरादह नगरपालिका ५ बस्ने भोजे मामा भन्ने भोजराज भण्डारीलाई गौशालाबाट नियन्त्रणमा लिन सफल भएको हो ।

भण्डारी आपराधिक समूह स्थापना र सञ्चालन गरी सुन चोरी पैठारी र चोरी निकासीको अवैध कारोबार,अपहरण तथा शरीर बन्धक र कर्तव्य ज्यान मुद्दामा फरार रहेका थिए ।