नुवाकोटका २० वर्षिय यी युवक ६ घण्टादेखि २ सय २० केभीको प्रशारण लाइनमा हिँडेपछि…

रेडियो दर्पण संवाददाता

२८ जेठ, काठमाडौं ।

विद्युत प्रशारण लाइनको तारमा हत्तपत्त कसैले छुन सक्दैनन् । छोइहाले करेन्ट लाग्ने र बिजुलीले हुत्याएर टाढा पुग्ने डरले तर्किन्छन् ।

तर नुवाकोटका एक पुरुषले विद्युत प्रशारण लाइनको तारमा हिँडेर विद्युत प्राधिकरण र स्थानीयलाई हैरान पारेको भिडियो बाहिरिएको छ ।

आजब बिहानैदेखि विद्युत प्रशारण लाइनको टावरबाट तारमा पुगेका उनी ६ घण्टादेखि तारमा हिँडिरहेको स्थानीयको भनाई छ ।

बेलकोटगढी नगरपालिका १३ घले गाउँका माइला विक नाम गरेका ति युवक २ सय २० केभीको प्रशारण लाइनमा हिँडिरहेको भिडियो अहिले भायरल बनिरहेको छ ।

परिवारसँग झगडा गरेर बिजुलीको तारमा हिँडेका ती युवक लाई फकाउँदा पनि नफकिएको बताइएको छ । भुइँमा मासु भात ल्याएर खान आउ भन्दा पनि उनी नर्ओलिएको स्थानीइ प्रहरीले जनाएको छ ।

मानसिक सन्तुलन गुमाएका उनलाई कैयौँ कोशिस गर्दा पनि नमानेको र अनेक उपायहरु लगाउने कोशिस गरिएको छ ।

विद्युत प्रशारण लाइनमा ति युवक पुगे लगत्तै विद्युत प्राधिकरणले माथिल्लो त्रिशुली थ्री ए को उत्पादन बन्द गरेर उनलाई तल झार्ने प्रयास गरेको बुझिएको छ ।