न्यूरोडवाट ६ जोडी आपत्तिजनक अवस्थामा पक्राउ

रेडियो दर्पण संवाददाता

काठमाडौं ।

प्रहरीले राजधानीको न्युरोडस्थित अशोका गेष्ट हाउसमा छापा मारी ६ जोडी युवा युवतीलाई आपत्तिजनक अवस्थामा पक्राउ गरेको छ ।

छिमेकीले उजुरी गरेपछि आइतबार दिउँसो छापा मार्दा ६ जोडी युवा युवतीलाई आपत्तिजनक अवस्थामा पक्राउ गरेको प्रहरीले जनाएको छ ।

पक्राउ परेका महिलाहरु पेशेवर जस्तै देखिएको र अनुसन्धान जारी रहेको न्यूरोड प्रहरीले जनाएको छ । उनीहरुलाई अहिले जनसेवा प्रहरी विशालबजारमा राखिएको छ ।

उनीहरुसँगै गेष्टहाउस सञ्चालक शान्ति ठकुरीलाई पनि पक्राउ गरिएको छ । उनीहरुविरुद्ध छिमेकीले जाहेरी दिने तयारी गरेका छन् ।

होटल व्यवसायी असन्तुष्ट

तर भ्रमण वर्ष २०२० नजिकिनै लाग्दा प्रहरीले चालेको यस्तो कदमबाट होटल व्यवसायी भने असन्तुष्ट छन् ।

होटलमा दिउँसै छापामारी गरेर मानिस नियन्त्रणमा लिएर जाँदा बाहिर नराम्रो सन्देश जाने भएकोले पर्यटन प्रवर्द्धनमा समेत असर पर्ने उनीहरुको ठम्याइ छ । सिमराका होटल व्यवसायीहरु प्रहरीले चालेको कदमका बारेमा समिक्षा गर्न बैठक बसिरहेका छन् ।

होटल व्यवसायी संघ बाराका अध्यक्ष मोहन शर्मा लामिछाने भ्रमण वर्ष नजिकिँदै गरेको समयमा प्रहरीले होटलहरुमा छापा हान्दा बाहिर त्यसको नराम्रो सन्देश जाने बताउँछन् । ‘हामी भ्रमण वर्षलाई सफल बनाउन लागि परेका छौं, होटल व्यवसायलाई व्यवस्थित बनाउन खोजिरहेका छौं, सिमरामा जस्तै प्रहरीले पोखरा, सौराहालगायत पर्यटकीय क्षेत्रका होटलमा प्रहरीले छापा हान्दा अवस्था के होला ?’ उनले भने, ‘छापामारी गर्ने प्रहरीको कर्तव्य होला, परिस्थिति नबुझी जुनसुकै बेला जहाँ पनि छापामारी गर्दा होटल व्यवसायलाई असर पर्छ ।’

होटलमा आएर बस्नेहरुको विवरण दुरुस्त राख्न, कानूनले निषेध गरेका गतिविधि नगर्न आफूले व्यवसायी साथीहरुलाई आग्रह गरिरहेको उनको भनाइ छ ।