सन्दिपबारे खुल्यो यस्तो रहस्य

रेडियो दर्पण संवाददाता

७ असोज, काठमाडौं ।

नाबालिग किशो’रीलाई ब’ला’त्कार गरेको आरोप लागेका राष्ट्रिय क्रिकेट टोलीका कप्तान सन्दीप लामिछाने र पीडि’त किशोरी काठमाडौंको होटलमा करिब सात घन्टा बसेको खुलेको छ।

भदौ ५ गते राती सन्दीप र ती किशोरी राति ११:५५ मा होटल पसेको देखिएको छ।मंगल’बार प्रह’री वृत्त गौशालामा जाहेरी परेसँगै प्र’हरीले प्रमा’णहरू संकलन गर्न थालेको हो।प्रमाण’स्वरूप प्रहरीले काठमाडौं-९ सिनामंगल’स्थित उनीहरू बसेको होटलको सिसिटिभी फुटेज पनि संकलन गरेको छ।

प्रह’रीले उनीहरू कोठा नम्बर ३०५ मा बसेको बताएको छ।सन्दीपले सेतो क्याप, सेतो जुत्ता, निलो रंगको टिसर्ट लगाएको पनि फुटेजमा देखि’एको स्रोतले जनाएको छ। किशोरीले सेतो ज्याकेट, पहेँलो टिसर्ट र कालो जिन्स लगाएकी थिइन्।

करिब सात घन्टा बसेर भदौ ६ गते फर्कि’एको देखिएको छ। बिहान ६ बजेर ४६ मिनेटमा उनीहरू सँगै होट’लबाट फर्किएको फुटेजमा देखिन्छ।सन्दीपले आफू’माथि मध्यराती साढे १२ बजे पटक-पटक ब’लात्का’र गरेको प्र’हरीसँग भनेकी छन्। जाहेरी दिएपछि प्र’हरीले मंगलबार नै किशोरीको स्वा’स्थ्य परीक्ष’णसमेत गराएको छ।

हवाई उड्डयन क्षेत्रमा सफलता पाएसँगै कृषिमा सफलता खोज्दै वीरेन्द्र
नेपाली हवाई उड्डयन क्षेत्रमा सफल परिचय बनाइसकेको व्यक्ति हुनुहुन्छ बुद्ध एयरका प्रबन्ध निर्देशक वीरेन्द्रबहादुर बस्नेत । उहाँ बुद्ध एयरको सञ्चालक रहेर नेपाली वायुसेवा क्षेत्रको प्रतिष्ठा उच्च बनाउन सफल हुनुहुन्छ । तर अब उहाँ वायुसेवा क्षेत्र सँगसँगै नेपालको कृषि क्षेत्रमा पनि सफल बन्ने प्रयासमा हुनुहुन्छ ।

सोह्र वटा निजी जहाजका मालिक बस्नेत हिजोआज कृषकसँगै खेतबारीमै भेटिनुहुन्छ । मोरङको बेलबारी–९ मा बस्नेतले २०६९ सालमा नै ‘नेपाल कृषि कम्पनी स्थापना गर्नुभएको थियो । पछि २०७७ सालमा नाम परिवर्तन गरेर हाल नेपाल कृषि केयरमार्फत उहाँको कृषि फर्म सञ्चालनमा छ ।

फर्म क्षेत्रसँगै आरजु राइस मिल सञ्चालनमा आउने तयारीमा छ । अत्याधुनिक उपकरणयुक्त मिल स्थापनाका लागि झण्डै रु ५० करोड लगानी भइसकेको र उक्त धान मिल मङ्सिर महिनादेखि सञ्चालनमा आउने मिलका व्यवस्थापक विवेकानन्द झाले बताउनुभयो । मिलले मोरङका विभिन्न ठाँउबाट कृषकले उत्पादन गरेको धानलाई कात्तिक महिनादेखि खरिद गर्न सुरु गर्ने झाले जानकारी दिनुभयो ।

उक्त मिलमा अहिले उपकरण जडानको कार्य अन्तिम चरणमा भइरहेको छ । मिलले कृषकसँग धान सिधै खरिद गर्नेछ । मिलले मोरङ र आसपास जिल्लाका २० हजार कृषकले उत्पादन गरेको धान खरिद गरी त्यसलाई स्वदेशी ब्राण्ड दिएर नेपाली बजारमा पठाउने लक्ष्य राखेको व्यवस्थापक झा बताउनुभयो । उहाँका अनुसार मिलको कुल क्षमता २० हजार टन वार्षिक रहेकाले हिउँदे धानमा करिब चार हजार बीघा तथा चैते धानमा एक हजार दुई सय बीघाका किसानलाई सहभागी गराउने लक्ष्य छ ।

हाल उक्त फर्ममा दर्जनभन्दा धेरै प्रजातिका धान बाली परीक्षणका लागि लगाइएको छ । बङ्गलादेशबाट ल्याइएको विआरआरआई ७५, विआरआरआई ८५, रबी धान, बिना धान, पाकिस्तानबाट ल्याइएको सुपर बासमती, चिनाव, किसान बासमती तथा पञ्जाब बासमती, भारतबाट ल्याइएको पूषा बासमती १६९२, पूषा बासमती ७, मुच्छड बासमती, पिआर १२८, मराठी जीरा, पिआरआई १२६ र नेपाली धानमा पहाडे बासमती, हर्दिनाथ हाइब्रिड १, बहुगुणी १ आदि उन्नत जातका लगाइएको व्यवस्थापक झाले जानकारी दिनुभयो ।

आरजु राइस मिलले धान भण्डारणमा पनि ठूलो लगानी गरेको छ । भण्डारण गर्ने ढवाङहरू साढे तीन हजार मेट्रिक टनका छन् । त्यहाँ सबैभन्दा ठूलो लगानी प्रविधिमा गरिएको छ । स्थानीयस्तरमा यति ठूलो लगानीमा राइस मिल खुलेकाले कृषक र स्थानीयवासी हर्षित रहेको बेलबारी–९ का वडाध्यक्ष शालिकराम बस्नेतले बताउनुभयो । मिल खुलेसँगै कृषकले धानको उचित मूल्य पाउने भएपछि आफूलगायत सिङ्गो नगर हर्षित रहेको उहाँको भनाइ थियो ।